കെഎസ്ആർടിസിയിലെ സമരങ്ങൾ നിർത്തിവയ്ക്കണമെന്ന് ഹൈക്കോടതി നിർദേശം. ശമ്പള വിഷയത്തിലെ ഹർജി പരിഗണിക്കണമെങ്കിൽ കുറച്ചു കാലത്തേക്ക് യൂണിയൻ പ്രവർത്തനങ്ങള്‍ ഒഴിവാക്കണമെന്നും കെഎസ്ആർടിസിയിലെ യൂണിയനുകളോട് കോടതി ആവശ്യപ്പെട്ടു. സംഘടനകൾ സഹകരിച്ചില്ലെങ്കിൽ ശമ്പളം കൃത്യമായി നൽകണമെന്ന ഉത്തരവ് പിൻവലിക്കുമെന്നും കോടതി വ്യക്തമാക്കി. സമരം നിർത്താമെന്ന് തൊഴിലാളി യൂണിയനുകൾ ഹൈക്കോടതിയെ അറിയിച്ചു. ഓഫീസിന് മുന്നിൽ സമരങ്ങൾ ഉണ്ടാകില്ലെന്ന യൂണിയനുകളുടെ ഉറപ്പ് കോടതി രേഖപ്പെടുത്തി.
English Summary:KSRTC: High Court to stop the strike
You may also like this video
