കുഫോസ് വിസി നിയമനം ഹൈക്കോടതി റദ്ദാക്കി. ഹൈക്കോടതി ഡിവിഷന്‍ ബെഞ്ചാണ് നിയമനം റദ്ദാക്കിയത്. ഇതോടെ കുഫോസ് വിസി ഡോ.കെ റിജി ജോണ്‍ പുറത്തായി. യുജിസി ചട്ടപ്രകാരമുള്ള യോഗ്യതയില്ലെന്ന് കണ്ടെത്തിയാണ് നിയമനം റദ്ദാക്കിയത്. ഡോ. കെ കെ വിജയനാണ് കുഫോസ് വിസിയുടെ നിയമനം റദ്ദാക്കണമെന്ന് ആവശ്യപ്പെട്ട് കോടതിയെ സമീപിച്ചത്.
സുപ്രീംകോടതി ഉത്തരവിന്റെ അടിസ്ഥാനത്തിലാണ് ഹൈക്കോടതി ഡിവിഷന്‍ ബഞ്ച് കുഫോസ് വി.സിയുടെ നിയമനം അസാധുവാക്കിയത്‌. ഗവര്‍ണര്‍ ആരിഫ് മുഹമ്മദ് ഖാന്‍ രാജിവെക്കാന്‍ നിര്‍ദേശിച്ച പത്ത് വൈസ് ചാന്‍സലര്‍മാരില്‍ ഒരാളാണ് കെ റിജി ജോണ്‍. സാങ്കേതിക സര്‍വകലാശാല വിസിയെ പുറത്താക്കിയുള്ള സുപ്രീംകോടതി ഉത്തരവിന്റെ പശ്ചാത്തലത്തിലാണ് ഗവര്‍ണര്‍ മറ്റു വിസിമാരോട് രാജിവെക്കാന്‍ ആവശ്യപ്പെട്ടിരുന്നത്.
English Summary: Kufos cancels VC appointment; Dr. K Riji John is out
You may also like this video
