ഇന്ത്യ എന്ന പേര് കണ്ടപ്പോള്‍ ബിജെപി ചുവപ്പ് കണ്ട കാളയെ പോലെയായെന്നു മുസ്ലീംലീഗ് നേതാവ് പി കെ കുഞ്ഞാലിക്കുട്ടി അഭിപ്രായപ്പെട്ടു. ഇന്ത്യമുന്നണി വന്നപ്പോള്‍ തന്നെ അവര്‍ വിരണ്ടുെന്നും അദ്ദേഹം അഭിപ്രായപ്പെട്ടു.
ലോക്‌സഭാ സമ്മേളനത്തിന്റെ അജണ്ട ഇപ്പോഴും ആര്‍ക്കും അറിയില്ല. ഇപ്പോള്‍ വന്ന അജണ്ടകള്‍ ആളെ കളിപ്പിക്കാന്‍ ഉള്ളതാണ്. പുറത്ത് വന്ന അജണ്ടകള്‍ വിശ്വസിക്കാന്‍ കഴിയാത്ത അവസ്ഥയാണെന്നും കുഞ്ഞാലിക്കുട്ടി അഭിപ്രായപ്പെട്ടു.2024 ല്‍ ബിജെപിയെ തൂത്തെറിയുമെന്ന വിശ്വാസം ഇന്‍ഡ്യ സഖ്യത്തിനുണ്ടെന്ന് വ്യക്തമാക്കിയ കുഞ്ഞാലിക്കുട്ടി ബിജെപിയെ കേരളത്തില്‍ പ്രത്യേകമായി തേല്‍പ്പിക്കേണ്ടതില്ലെന്നും ചൂണ്ടിക്കാണിച്ചു.
ബിജെപി കേരളത്തില്‍ കെട്ടിവെച്ച കാശിന് വേണ്ടി മത്സരിക്കുന്ന പാര്‍ട്ടിയായി മാറിയെന്ന് പരിഹസിച്ച കുഞ്ഞാലിക്കുട്ടി പുതുപ്പള്ളിയില്‍ ബിജെപി അത് തെളിയിച്ചതായും അഭിപ്രായപ്പെട്ടു
English Summary:
Kunhalikutty said BJP was like a bull seeing red when it saw the name India
You may also like this video:
