ലക്ഷങ്ങളുടെ നോട്ട് ആകശത്തേക്ക് പറത്തി വധുവിന്റെ ബന്ധുക്കള്. ഇന്ത്യൻ രൂപയും ഡോളറുമെല്ലാമായി ലക്ഷങ്ങള് ആകാശത്തിൽ നിന്നും മഴയായി പെയ്യുന്ന വീഡിയോയാണ് ഇപ്പോള് സമൂഹമാധ്യമങ്ങളില് വൈറലായിക്കൊണ്ടിരിക്കുന്നത്. പഞ്ചാബിലാണ് ഈ ആഢംബര കല്യാണം നടന്നത്. ഫെബ്രുവരി പതിനാലിന് തരൺ ജില്ലയിൽ നടന്ന ഒരു കല്യാണത്തിനിടെയാണ് വരന്റേയും വധുവിൻ്റേയും മേൽ ബന്ധുക്കള് പണം കൊണ്ട് അഭിഷേകം നടത്തിയത്.
ചുറ്റുമുള്ളവര് നോട്ടുകള് വാരിക്കൂട്ടാൻ ശ്രമിക്കുന്നവരും അതിൻ്റെ മുകളിലൂടെ നടക്കുന്നവരേയുമെല്ലാം വീഡിയോയിൽ കാണാം. ഓസ്ട്രേലിയയും കാനഡയും ഉൾപ്പെടെയുള്ള രാജ്യങ്ങളിൽ നിന്ന് എത്തിയ എൻആർഐ അതിഥികളും ചടങ്ങിൽ പങ്കെടുത്തിരുന്നു.
നോട്ടുകൾ നിറച്ച ബാഗുകൾ തലയിലൂടെ ചൊരിയുന്നതുമമെല്ലാം കല്യാണ ആഘോഷത്തിൻ്റെ ഭാഗമായിരുന്നു. വിമര്ശനം ഉയരുമ്പോള് ചിലർ പഞ്ചാബി വിവാഹത്തിണൻ്റെ ആഡംബരത്തെ പുകഴ്ത്തുകയും ചെയ്യുന്നുണ്ട്. എന്നാൽ ആഢംബര വിവാഹത്തെ ശക്തമായി എതിർത്തും ആൾക്കാർ രംഗത്തെത്തിയിട്ടുണ്ട്. കുറഞ്ഞത് നാല് മുതൽ അഞ്ച് ലക്ഷം രൂപ വരെ എറിഞ്ഞിട്ടുണ്ടാകാമെന്നാണ് പറയുന്നത്.