ഭൂമി തർക്കത്തിന്റെ പേരിൽ ഡോക്ടറെ മർദിച്ച് കൊലപ്പെടുത്തിയ സംഭവത്തിൽ ബിജെപി നേതാവിന്റെ അനന്തരവനും. മുൻ ബിജെപി ജില്ലാ പ്രസിഡന്റ് ബബ്ബൻ സിങിന്‍റെ (ഗിരീഷ് നാരായൺ സിങ്) അനന്തരവനായ അജയ് നാരായൺ സിങ്ങ് ഉള്‍പ്പടെയാണ് സംഘം ചേർന്ന് കൊലപ്പെടുത്തിയതെന്ന് ആരോപണം.
ശാസ്ത്രി നഗർ സ്വദേശിയായ ഘനശ്യാം തിവാരി എന്ന ഡോക്ടറെ കഴിഞ്ഞ ദിവസമായിരുന്നു ഭൂമിയുമായ ബന്ധപ്പെട്ട തർക്കത്തിന്റെ പേരില്‍ പ്രതികൾ മർദിച്ചത്.
ഇതാണ് പിന്നീട് കൊലപാതകത്തിൽ കലാശിച്ചത്. ഘനശ്യാമിന്‍റെ ഭാര്യയാണ് അജയ്ക്കെതിരെ പൊലീസിൽ മൊഴി നൽകിയിരിക്കുന്നത്. വൈകുന്നേരം വീട്ടിലെത്തിയ ഘനശ്യാം അലമാരയിൽ നിന്നും 3000 രൂപയെടുത്ത് പുറത്തുപോയിരുന്നു. മാപ്പ് തയ്യാറാക്കുന്നയാൾക്ക് നൽകാനാണെന്നായിരുന്നു പറഞ്ഞതെന്നും പിന്നീട് രാത്രിയോടെ പരിക്കേറ്റ നിലയിൽ ഓട്ടോയിൽ വീട്ടിലെത്തിക്കുകയായിരുന്നുവെന്ന് ഭാര്യ പറഞ്ഞു. സംഭവത്തിൽ അന്വേഷണം തുടരുകയാണെന്ന് പൊലീസ് അറിയിച്ചു.
English Summary:land dispute; BJP leader’s relative is also involved in the doctor’s beating case
You may also like this video
