2022 ഐപിഎല്ലിനു മുന്നോടിയായി സണ്‍റൈസേഴസ് ഹൈദരാബാദിന്റെ ബാറ്റിങ് കോച്ചായി വെസ്റ്റിൻഡീസിന്റെ ഇതിഹാസം ബ്രയാൻ ലാറ. കഴിഞ്ഞ സീസണിലെ ദയനീയ പുറത്താകല്‍ ഇനി ആവര്‍ത്തിക്കാതിരിക്കാൻ ശക്തമായ കോച്ചിങ് സ്റ്റാഫുകളെയാണ് ഹൈദരാബാദ് തിരഞ്ഞെടുത്തിരിക്കുന്നത്. ബൗളിങ് കോച്ചായി ദക്ഷിണാഫ്രിക്കൻ ഇതിഹാസം ഡേല്‍ സ്റ്റെയ്നെയും തിരെഞ്ഞടുത്തു. എന്നാല്‍ സൂപ്പര്‍ താരമായ ഡേവിഡ് വാര്‍ണറെ ഇക്കുറി മെഗാ ലേലത്തില്‍ ഒഴിവാക്കിയത് ഹൈദരാബാദിനു തിരിച്ചടിയാകും. മികച്ച ഫോമിലാണ് വാര്‍ണറുളളത്. പുതിയ ടീമുകള്‍ വാര്‍ണറെ പൊന്നും വില കൊടുത്തു സ്വന്തമാക്കാൻ സാധ്യതയുണ്ടെന്നാണ് ക്രിക്കറ്റ് പ്രേമികളും നിരൂപകരും വിലയിരുത്തുന്നത്. വരും ലേലത്തില്‍ മികവുറ്റ യുവ താരങ്ങളെയാണ് ഹൈദരാബാദ് ലക്ഷ്യമിടുന്നത്.
ENGLISH SUMMARY: Lara will teach Hyderabad batting
You may also like this video
