കേന്ദ്ര അവഗണനക്കെതിരെ എൽഡിഎഫ് പ്രതിഷേധം ഇന്ന്

കേന്ദ്രം കേരളത്തോട് കാണിക്കുന്ന അവഗണനയ്ക്കെതിരായും കേരളത്തിന്റെ വൻ വികസന പദ്ധതികൾ തകർക്കാനുള്ള നീക്കത്തിനെതിരായുമുള്ള എൽഡിഎഫ് പ്രതിഷേധം ഇന്ന് നടക്കും. 

വൈകുന്നേരം അഞ്ച് മുതൽ ഏഴ് വരെ ജില്ലാ കേന്ദ്രങ്ങളിലാണ് ധർണ സംഘടിപ്പിച്ചിട്ടുള്ളത്. തിരുവനന്തപുരത്ത് രാജ്ഭവനു മുന്നിൽ നടക്കുന്ന ധർണ മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. കൊല്ലത്ത് സിപിഐ സംസ്ഥാന സെക്രട്ടറി കാനം രാജേന്ദ്രൻ ഉദ്ഘാടനം ചെയ്യും. 

കാസർകോട് പന്ന്യൻ രവീന്ദ്രൻ, തൃശൂർ കെ പി രാജേന്ദ്രൻ, എറണാകുളം പി സി ചാക്കോ, പത്തനംതിട്ട മാത്യു ടി തോമസ്, കോട്ടയം ഡോ. എൻ ജയരാജ്, വയനാട് കടന്നപ്പള്ളി രാമചന്ദ്രൻ, കോഴിക്കോട് എ വിജയരാഘവൻ, കണ്ണൂർ ഇ പി ജയരാജൻ, മലപ്പുറം പി കെ ശ്രീമതി, ആലപ്പുഴ ടി എം തോമസ് ഐസക്, പാലക്കാട് എ കെ ബാലൻ, ഇടുക്കി എം എം മണി എന്നിവർ ഉദ്ഘാടനം ചെയ്യും. എല്ലാ ജില്ലാ കേന്ദ്രങ്ങളിലും എൽഡിഎഫ് സംസ്ഥാന നേതാക്കൾ പങ്കെടുക്കും.
eng­lish summary;LDF protests today against cen­tral government
you may also like this video;