ലെസ്റ്റര്‍ സിറ്റിയിലുണ്ടായ വര്‍ഗീയ സംഘര്‍ഷങ്ങളിലെ ഇന്ത്യന്‍ ഹെെക്കമ്മിഷന്റെ ഏകപക്ഷീയമായ നിലപാടുകളെ വിമര്‍ശിച്ച് ബ്രിട്ടന്‍ മുസ്‌ലിം കൗണ്‍സില്‍. വര്‍ഗീയ സംഘര്‍ഷങ്ങളില്‍ ഹിന്ദുക്കള്‍ക്കനുകൂലമായ നിലപാടാണ് ഇന്ത്യന്‍ ഹെെക്കമ്മിഷന്‍ സ്വീകരിച്ചതെന്ന് ബ്രിട്ടന്‍ മുസ്‌ലിം കൗണ്‍സില്‍ പറഞ്ഞു.
കമ്മിഷന്‍ എല്ലാ ജനവിഭാഗങ്ങളെയും പരിഗണിക്കുന്ന നിലപാടാണ് സ്വീകരിക്കേണ്ടതെന്നും ജനങ്ങളെ തമ്മില്‍ ഭിന്നിപ്പിക്കുന്ന നിലപാടല്ല സ്വീകരിക്കേണ്ടതെന്നും കൗണ്‍സില്‍ ആവശ്യപ്പെട്ടു. കൂടാതെ പരസ്പര സഹകരണത്തോടെ സഹവസിച്ചിരുന്ന പ്രവാസി സമൂഹത്തിനിടയില്‍ പെട്ടെന്നുണ്ടായ ഭിന്നിപ്പില്‍ ഉത്കണ്ഠയുണ്ടെന്നും കൗണ്‍സില്‍ അറിയിച്ചു.
ഏഷ്യാ കപ്പ് മത്സരത്തില്‍ പാകിസ്ഥാനോട് ഇന്ത്യ പരാജയപ്പെട്ടതിനെത്തുടര്‍ന്നാണ് ലെസ്റ്റര്‍ സിറ്റിയില്‍ വര്‍ഗീയ സംഘര്‍ഷങ്ങള്‍ പൊട്ടിപ്പുറപ്പെട്ടത്.സംഘര്‍ഷങ്ങളില്‍ ഒരു ഹെെന്ദവക്ഷേത്രം അക്രമിക്കപ്പെട്ടിരുന്നു. സംഭവത്തില്‍ ഇന്ത്യന്‍ ഹെെക്കമ്മിഷന്റെ അഭ്യര്‍ത്ഥനയെത്തുടര്‍ന്ന് നിരവധിപേരെ പൊലീസ് അറസ്റ്റ് ചെയ്തുനീക്കി.
English Summary: Leicester City clash; India’s High Commission on Communal Conflicts has a stance in favor of Hindus, criticised by Britain
You may like this video also
