മദ്യനയ അഴിമതിയുമായി ബന്ധപ്പെട്ട കള്ളപ്പണം വെളുപ്പിക്കൽ കേസിൽ തന്റെ അറസ്റ്റിനെ ചോദ്യം ചെയ്ത് ബിആർഎസ് നേതാവ് കെ കവിത സുപ്രീം കോടതിയില്‍. സുപ്രീം കോടതിയിൽ കേസ് നടക്കുന്നതിനിടെയായിരുന്നു മണിക്കൂറുകള്‍ നീണ്ട റെയ്ഡിനൊടുവില്‍ കവിതയുടെ അറസ്റ്റ്. തുടര്‍ന്ന് 23 വരെ കവിതയെ ഇഡി കസ്റ്റഡിയിൽ വിട്ടിരിക്കുകയാണ്.
നിയമവിരുദ്ധമായാണ് തന്നെ അറസ്റ്റ് ചെയ്‌തെന്ന് കവിത ഹര്‍ജിയില്‍ പറയുന്നു. വിചാരണ വേളയിൽ സമൻസ് അയയ്ക്കില്ലെന്നും തന്നെ അറസ്റ്റ് ചെയ്യില്ലെന്നും ഇഡി ഉദ്യോഗസ്ഥർ നേരത്ത കോടതിയെ അറിയിച്ചിരുന്നുവെന്ന് അവർ ഹർജിയിൽ പരാമർശിച്ചു. ഇഡിക്കെതിരെ കോടതിയലക്ഷ്യ നടപടിയെടുക്കണമെന്നും കവിത ഹർജിയില്‍ ആവശ്യപ്പെട്ടു. കേസില്‍ കഴിഞ്ഞ വർഷം കവിതയെ ഇഡി മൂന്ന് തവണ ചോദ്യം ചെയ്‌തിരുന്നു.
English Summary: Liquor policy corruption; Kavitha in Supreme Court against arrest
You may also like this video
