വായ്പയ്ക്കുള്ള അപേക്ഷ നിരാകരിച്ചതിന് യുവാവ് ബാങ്കിന് തീയിട്ടു. ഹവേരി ജില്ലയിലെ ബ്യാഡ്ഗി താലൂക്കില്‍ ഹെഡിഗോണ്ടയിലാണ് സംഭവം. 16 ലക്ഷം രൂപയുടെ നഷ്ടം കണക്കാക്കുന്നു. റട്ടിഹള്ളിയിലെ വസിം ഹസ്രത്ത്സാബ് (33) ആണ് തന്റെ വായ്പ അപേക്ഷ നിരാകരിച്ചതിന് കാനറ ബാങ്ക് ശാഖയ്ക്ക് തീയിട്ടത്. മതിയായ രേഖകളില്ലാത്തതിനാല്‍ വായ്പ നിരസിക്കുകയായിരുന്നു.
അതേ തുടര്‍ന്ന് മനപ്രയാസത്തിലായ വസിം ശനിയാഴ്ച രാത്രി പെട്രോളുമായെത്തി ബാങ്കിന് തീയിടുകയായിരുന്നുവെന്നാണ് പൊലീസ് നിഗമനം. സംഭവം ശ്രദ്ധയില്‍പ്പെട്ട നാട്ടുകാരും വിവരം ലഭിച്ചെത്തിയ പൊലീസും അഗ്നിശമന സേനയും ചേര്‍ന്നാണ് തീയണച്ചത്. വിവിധ വകുപ്പുകള്‍ ചുമത്തി കേസെടുത്ത പൊലീസ് പ്രതിയെ അറസ്റ്റ് ചെയ്തിട്ടുണ്ട്.
ENGLISH SUMMARY:Loan application rejected; The young man who set the bank on fire
You may also like this video
