ഗ്രാമ, ബ്ലോക്ക്, ജില്ലാ പഞ്ചായത്ത് വാർഡുകളിലേക്കുള്ള തെരഞ്ഞെടുപ്പുകളിലെ സ്ഥാനാർത്ഥികൾ നാമനിർദേശ പത്രികയ്ക്കൊപ്പം കെട്ടിവയ്ക്കേണ്ട തുക വർധിപ്പിച്ച് സർക്കാർ വിജ്ഞാപനം പുറപ്പെടുവിച്ചു. ഗ്രാമപഞ്ചായത്ത് 2000 രൂപ (നിലവിൽ 1000 രൂപ),
ബ്ലോക്ക് പഞ്ചായത്ത് 4000 രൂപ (നിലവിൽ 2000 രൂപ), ജില്ലാ പഞ്ചായത്ത് 5000 രൂപ (നിലവിൽ 3000 രൂപ) യുമായാണ് വർധിപ്പിച്ചത്.
പട്ടികജാതി, പട്ടികവർഗ സ്ഥാനാർത്ഥികൾ കെട്ടിവയ്ക്കേണ്ടത് നിർദിഷ്ട തുകയുടെ പകുതിയാണ്.
ജൂലൈ 21 ന് നടക്കുന്ന ഉപതെരഞ്ഞെടുപ്പിൽ മത്സരിക്കുന്നവര്‍ക്ക് പുതുക്കിയ തുക ബാധകമായിരിക്കുമെന്ന് സംസ്ഥാന തെരഞ്ഞെടുപ്പ് കമ്മിഷൻ അറിയിച്ചു.
English Summary: Local elections: Candidates’ deposits increased
You may like this video also
