മനുഷ്യ സ്നേഹവും നാടിന്റെ സംസ്ക്കാരവും കൈമോശം വരാതെ സൂക്ഷിക്കണമെന്ന് നിയമസഭ സ്പീക്കർ എ എൻ ഷംസീർ പറഞ്ഞു.
തൃപ്പൂണിത്തുറയിൽ നടന്ന അത്തം ഘോഷയാത്ര ഉദ്ഘാടനം ചെയ്തു സംസാരിക്കുകയായിരുന്നു സ്പീക്കർ. വയനാടിനായി നാട് കൈകോർത്തതിലൂടെ നാം നൽകുന്ന സന്ദേശവും ഇതാണ്.
ഒറ്റ രാത്രി മതി എല്ലാം അവസാനിക്കാൻ. ഒരു രാത്രി ഇരുട്ടിവെളുത്തപ്പോൾ രണ്ട് നാട് ഇല്ലാതായി. സമഭാവനയുടെ സ്നേഹത്തിന്റെ ആഘോഷമാണ് ഓണം. ഈ സന്ദേശമുൾക്കൊണ്ട് പരസ്പരം പഴിചാരാതെയും പറ്റിക്കാതെയും സ്നേഹത്തിലൂന്നിയ വിഭാഗീതയില്ലാത്ത വർഗീയതയില്ലാത്ത നാടിനായി നമുക്ക് അണിചേരാമെന്നും അദ്ദേഹം പറഞ്ഞു. അനൂപ് ജേക്കബ് എംഎൽഎ അധ്യക്ഷത വഹിച്ചു. കെ ഫ്രാൻസിസ് ജോർജ് എം പി. അത്ത പതാകയുയർത്തി.