സംസ്ഥാനത്ത് എം പോക്സ് സ്ഥിരീകരിച്ചു. മലപ്പുറത്ത് ദുബായില്‍ നിന്നെത്തിയ യുവാവിനാണ് രോഗം സ്ഥിരീകരിച്ചതെന്ന് ആരോഗ്യമന്ത്രി വീണ ജോര്‍ജ് വ്യക്തമാക്കി. എടവണ്ണ സ്വദേശിയായ 38കാരനാണ് മഞ്ചേരി മെഡിക്കല്‍ കോളജ് ആശുപത്രിയില്‍ ചികിത്സയിലുള്ളത്. വിദേശത്ത് നിന്ന് വന്നവര്‍ക്ക് രോഗ ലക്ഷണങ്ങളുണ്ടെങ്കില്‍ ചികിത്സ തേടണമെന്ന് നിര്‍ദ്ദേശിച്ചു. എല്ലാ ജില്ലകളിലും ആശുപത്രികളില്‍ ചികിത്സയ്ക്കും ഐസൊലേഷനും സൗകര്യമൊരുക്കി. ജില്ലകളില്‍ നോഡല്‍ ഓഫീസര്‍മാരെ നിയമിച്ചു. അതേസമയം രാജ്യത്ത് റിപ്പോര്‍ട്ട് ചെയ്യുന്ന രണ്ടാമത്തെ എം പോക്സ് കേസാണിത്.
മലപ്പുറത്ത് യുവാവിന് എം പോക്സ് സ്ഥിരീകരിച്ചു
