തമിഴ്നാട് സർക്കാരിന്റെ എം എസ് സുബ്ബലക്ഷ്മി പുരസ്കാരം ഗായകൻ കെ ജെ യേശുദാസിന്. സംഗീത മേഖലയ്ക്ക് നൽകിയ സമഗ്ര സംഭാവനകൾ പരിഗണിച്ചാണ് പുരസ്കാരം. ഒക്ടോബറിൽ ചെന്നൈയിൽ വച്ച് പുരസ്കാര വിതരണം നടക്കും.
നടി സായ് പല്ലവി, നടന് എസ് ജെ സൂര്യ, സംവിധായകൻ ലിംഗുസ്വാമി എന്നിവർ 2021 ലെ കലൈ മാമണി പുരസ്കാരത്തിന് അർഹരായി. വിക്രം, പ്രഭു, ജയ വി സി, ഗുഹനാഥൻ ഗാനരചയിതാവ് വിവേക, പിആർഒ ഡയമണ്ട് ബാബു എന്നിവർക്ക് 2022 ലെ പുരസ്കാരം ലഭിച്ചു. നടൻ മണികണ്ഠൻ, ജോർജ് മാരിയൻ, ഛായാഗ്രാഹകൻ സന്തോഷ് കുമാർ, പിആർഒ നികിൽ മുരുകൻ, ഗായിക ശ്വേത മോഹൻ എന്നിവർ 2023 ലെ കലൈ മാമണി പുരസ്കാരത്തിനും അർഹരായി.