സുപ്രീം കോടതി ജാമ്യവ്യവസ്ഥയില്‍ ഇളവ് അനുവദിച്ച സാഹചര്യത്തില്‍ പിഡിപി ചെയര്‍മാന്‍ അബ്ദുനാസര്‍ മഅദനി ഇന്ന് കേരളത്തിലെത്തും. ഇന്ന് രാവിലെ ബംഗളൂരുവില്‍ നിന്ന് വിമാനമാർഗം തിരുവനന്തപുരം അന്താരാഷ്ട്ര വിമാനത്താവളത്തിൽ എത്തുന്ന മഅദനി റോഡ് മാർഗം അൻവാർശേരിയിലേക്ക് യാത്ര തിരിക്കും.
ആരോഗ്യാവസ്ഥ പരിഗണിച്ചും മുൻമുഖ്യമന്ത്രി ഉമ്മൻചാണ്ടിയുടെ സംസ്കാര ചടങ്ങുകൾ നടന്നുകൊണ്ടിരിക്കുന്ന സാഹചര്യം കണക്കിലെടുത്തും ആഘോഷങ്ങളില്ലാതെ എയർപോർട്ടിൽ പാർട്ടി നേതാക്കളും കുടുംബാംഗങ്ങളും മാത്രം സ്വീകരിക്കും. അൻവാർശേരിയിലെത്തുന്ന മഅദനി കുടുംബവീട്ടിലെത്തി പിതാവിനെ കാണും. പിതാവിനോടൊപ്പം ഏതാനും ദിവസം അൻവാർശേരിയിൽ തുടരാനും ശേഷം ചികിത്സക്കായി ആശുപത്രിയിൽ പ്രവേശിക്കാനുമാണ് ഉദ്ദേശിക്കുന്നതെന്ന് പിഡിപി ഭാരവാഹികൾ അറിയിച്ചു.
English Summary:Madani will reach Kerala today
You may also like this video
