സിമന്റിൽ തീർത്ത ആനയുടെ ശില്പം നശിപ്പിച്ച് സാമൂഹ്യവിരുദ്ധർ. അണക്കരയ്ക്ക് സമീപം അച്ചൻകാനം കടിയൻകുന്നേൽ മധു ഒന്നര മാസം കാെണ്ട് ആനയുടെ ശില്പമാണ് കഴിഞ്ഞ ദിവസം സാമൂഹികവിരുദ്ധർ നശിപ്പിച്ചത്. കെട്ടിട നിർമ്മാണ തൊഴിലാളിയായ മധു 45 ദിവസത്തെ പരിശ്രമത്തിന്റെ ഫലമായാണ് ആനയുടെ ശില്പം സിമന്റിൽ തീർത്തത്.
രാമക്കൽമേട്ടിലുള്ള സ്വകാര്യ റിസോർട്ട് ഉടമകളുടെ ആവശ്യപ്രകാരം നിർമ്മാണം പൂർത്തീകരിച്ച കൊമ്പനാനയുടെ ശിൽപമാണ് തകർത്തത്. അടുത്തദിവസം റിസോർട്ടിലേക്ക് കൊണ്ടുപോകാനിരിക്കെയാണ് സാമൂഹ്യവിരുദ്ധരുടെ അക്രമം. ജോലിയുമായി ബന്ധപ്പെട്ട് സ്ഥലത്തില്ലാതിരുന്ന ദിവസങ്ങളിലാണ് ശില്പം നശിപ്പിക്കപ്പെട്ടതെന്ന് മധു പറയുന്നു. രാമക്കൽമേട്ടിലെ റിസോർട്ടിൽ കഥകളി രൂപവും സിമന്റില്‍ തീർത്ത ബോർഡും ഇതിന് മുമ്പ് മധു നിർമ്മിച്ചിട്ടുണ്ട്. സംഭവത്തിൽ മധുവിന്റെ പരാതി പ്രകാരം വണ്ടൻമേട് പോലീസ് കേസെടുത്തു.
English Summary: Madhu’s one-and-a-half-month efforts were undone: anti-socials vandalized the elephant sculpture built for the resort
You may like also this video
