വെനസ്വേലന് പ്രസിഡന്റ് നിക്കോളാസ് മഡുറോയെയും ഭാര്യ സീലിയ ഫ്ളോറസിനെയും ന്യൂയോര്ക്കില് എത്തിച്ചു. മാന്ഹട്ടിലുള്ള ഹെലിപോര്ട്ടിലാണ് ഇരുവരെയും എത്തിച്ചത്. ബന്ദിയാക്കിയ മഡുറോയുടെ ചിത്രവും ട്രംപ് സാമൂഹിക മാധ്യമങ്ങളില് പങ്കുവച്ചു. യുഎസ്എസ്ഐവോ ജിമ എന്ന യുദ്ധ കപ്പലില് മഡുറോയെ കണ്ണുകെട്ടി ന്യൂയോര്ക്കിലേക്ക് കൊണ്ടുവരുന്ന ചിത്രമാണ് ട്രംപ് പങ്കുവച്ചത്.
തുടര്ന്ന് ഇരുവരെയും സ്റ്റുവര്ട്ട് നാഷണല് ഗാര്ഡ് ബേസിലെത്തിക്കുകയും വൈദ്യപരിശോധന നടത്തുകയും ചെയ്തു. ഇരുവരേയും ന്യൂയോര്ക്കിലെ ബ്രൂക്ലിന് തടങ്കല് കേന്ദ്രത്തിലേക്ക് മാറ്റും.
തുടര്ന്ന് അമേരിക്കന് ലഹരിവിരുദ്ധ സേന മഡുറോയെ ചോദ്യം ചെയ്യും. ഹെലികോപ്റ്ററിലാണ് മഡുറോയെയും ഭാര്യയെയും യുദ്ധകപ്പലില് എത്തിച്ചതെന്നും മഡുറോയും ഭാര്യയും അമേരിക്കയില് വിചാരണ നേരിടണമെന്നും ട്രംപ് വാര്ത്താസമ്മേളനത്തില് പറഞ്ഞു. വെനസ്വേലയെ ഇനി അമേരിക്ക ഭരിക്കും. ആവശ്യമെങ്കില് ഇനിയും ആക്രമണം നടത്തുമെന്നും അദ്ദേഹം പറഞ്ഞു. മഡുറോയ്ക്കെതിരെ കടുത്ത വകുപ്പുകളാണ് അമേരിക്ക ചുമത്തിയിരിക്കുന്നത്. നാര്ക്കോ-ടെററിസം ഗൂഢാലോചന, കൊക്കെയ്ന് ഇറക്കുമതി ഗൂഢാലോചന, യന്ത്രത്തോക്കുകളും വിനാശകരമായ ഉപകരണങ്ങളും കൈവശംവെയ്ക്കല്, യു എസിനെതിരെ ഗൂഢാലോച തുടങ്ങിയ കുറ്റങ്ങാളാണ് മഡുറോയ്ക്കെതിരെ ചുമത്തിയിരിക്കുന്നതെന്നാണ് വിവരം.