ഇന്ത്യയുടെ രാഷട്ര പിതാവ് മഹാത്മാഗാന്ധിയുടെ രക്തസാക്ഷിത്വ ദിനം ഷാര്‍ജ ഇന്ത്യന്‍ അസോസിയേഷനില്‍ ആചരിച്ചു. ഗാന്ധിജിയുടെ ചിത്രത്തിനു മുമ്പില്‍ നടന്ന പുഷ്പാര്‍ച്ചനയോടെയാണ് രക്തസാക്ഷിത്വ ദിനാചരണ പരിപാടികള്‍ ആരംഭിച്ചത്. തുടര്‍ന്ന് നടന്ന അനുസ്മരണ പരിപാടി ടി ജെ സനീഷ് കുമാർ എംഎൽഎ ഉദ്ഘാടനം ചെയ്തു. പ്രസിഡന്റ് അഡ്വ. വൈ എ റഹീം അധ്യക്ഷത വഹിച്ചു.
ജനറൽ സെക്രട്ടറി നസീർ ടി വി, ട്രഷറര്‍ ശ്രീനാഥ് കാടഞ്ചേരി, വൈസ് പ്രസിഡന്റ് മാത്യു ജോൺ, ജോയിന്റ് ട്രഷറര്‍ ബാബു വര്‍ഗീസ് എന്നിവർ സംസാരിച്ചു. ഷാർജ ഇന്ത്യൻ സ്കൂൾ വിദ്യാർത്ഥികളുടെ ഗാന്ധിജി അനുസ്മരണ പ്രഭാഷണങ്ങളും ദേശഭക്തി ഗാനാപലനങ്ങളും ഇതോടനുബന്ധിച്ച് നടന്നു.