ഇന്ന് തിരുവോണം. ഏവരും ഒരുമിച്ച് പുതുവസ്ത്രങ്ങളും അണിഞ്, വിഭവസമൃദ്ധമായ സദ്യയും കഴിച്ച് ഏറെ ആഹ്ലാദത്തോടെ ഒത്തു കൂടുന്ന ദിനം. സാഹോദര്യത്തിന്റെയും, ഒരുമയുടെയും ഉത്സവമായ ഓണം മലയാളികള്‍ ലോകത്തെവിടെയെല്ലാം ഉണ്ടോ അവിടെയെല്ലാം ആഘോഷിക്കും.
കാലം മാറിയിട്ടുംആഘോഷത്തിന്റെ തനിമ മാറുന്നില്ല. പ്രതിസന്ധികളും,ഇല്ലായ്മകളും മറന്നാണ് മലയാളികള്‍ ഓണം കോണ്ടാടുന്നത്.വയനാട് ദുരന്തത്തിന്റെ പശ്ചാത്തലത്തിൽ വിനോദസഞ്ചാരവകുപ്പിന്റെ ഓണം വാരാഘോഷം ഇത്തവണ ഒഴിവാക്കിയിട്ടുണ്ട്‌. അല്ലലില്ലാതെ ഓണം ആഘോഷിക്കാന്‍ ഏറെ പ്രതിസന്ധികളുണ്ടായിട്ടും സംസ്ഥാന സര്‍ക്കാര്‍ വേണ്ടതെല്ലാം ചെയ്തു. സർക്കാരിന്റെ ക്ഷേമപ്രവർത്തനങ്ങളും വിപണി ഇടപെടലുകളും ഓണത്തിന്‌ കൂടുതൽ നിറംപകർന്നു. ഏവര്‍ക്കും ജനയുഗത്തിന്റെ ഓണാംശംസകള്‍