130 കോടി രൂപയുടെ വായ്പ വാഗ്ദാനം ചെയ്ത് നടിയുടെ പക്കല്‍നിന്ന് 37 ലക്ഷം രൂപ തട്ടിയെടുത്ത കൊല്‍ക്കത്ത സ്വദേശി അറസ്റ്റില്‍. കൊല്‍ക്കത്ത രുചി ആക്ടീവ് ഏക്കേര്‍സ് ഫ്‌ലാറ്റില്‍ താമസിക്കുന്ന യാസര്‍ ഇക്ബാലാണ് (51) പാലാരിവട്ടം പൊലീസ്അറസ്റ്റ് ചെയ്തത്.
കൂട്ടുപ്രതിക്കായി അന്വേഷണം നടക്കുന്നുണ്ട്. സൈബര്‍ സെല്ലിന്റെ സഹായത്തോടെ പാലാരിവട്ടം പൊലീസിലെ പ്രത്യേക അന്വേഷണ സംഘം കൊല്‍ക്കത്തയിലെത്തിയാണ് ഇയാളെ പിടിച്ചത്.
വ്യവസായ വായ്പ തരപ്പെടുത്തിക്കൊടുക്കാമെന്നു വിശ്വസിപ്പിച്ചാണ് നടിയുമായി പ്രതി സൗഹൃദം സ്ഥാപിച്ചത്. വായ്പ ലഭിക്കുന്നതിനായി തട്ടിപ്പ് സംഘത്തിന് കൊച്ചിയിലെ ഒരു ഹോട്ടലില്‍ വച്ച് 37 ലക്ഷം രൂപ കൈമാറി. പണം നല്‍കിയിട്ടും വായ്പ ലഭ്യമാകാത്തതിനെ തുടര്‍ന്നാണ് നടി പൊലീസിനെ സമീപിച്ചത്.
English Summary: Man arrested for duping actress of 37 lakh
You may also like this video
