ഡൽഹി ഹുമയൂൺപുരില്‍ സഹപ്രവർത്തകയെ ബലാത്സംഗം ചെയ്ത ഒരാളെ പൊലീസ് അറസ്റ്റ് ചെയ്തു. 21 കാരിയായ യുവതിയുടെ പരാതിയുടെ അടിസ്ഥാനത്തിലാണ് അറസ്റ്റ്. ഹുമയൂണ്‍പുര്‍ സ്വദേശി സഞ്ജയാണ് പ്രതി.
മാർച്ച് 16ന് ജോലിസ്ഥലത്ത് വച്ചാണ് സംഭവമുണ്ടായത്. ഹുമയൂൺപുരിലെ ഒരു ഹോട്ടലിൽ സർവീസ് സ്റ്റാഫായാണ് യുവതി ജോലി ചെയ്യുന്നത്. പുലര്‍ച്ചെ 1.30ഓടെ ഹോട്ടലിലെ ശുചിമുറിയിൽ നിന്ന് പുറത്തിറങ്ങിയപ്പോളാണ് പ്രതി ലൈംഗികമായി പീഡിപ്പിച്ചതെന്ന് യുവതി പരാതിയില്‍ പറഞ്ഞു.
യുവതിയും പ്രതിയ്ക്കും കഴിഞ്ഞ ഒരു വർഷമായി പരിചയമുണ്ടെന്ന് പൊലീസ് പറഞ്ഞു. കേസിൽ കൂടുതൽ അന്വേഷണം നടന്നുവരികയാണ്.
english summary; Man arrested in Delhi for raping co-worker
you may also like this video;
