പുന്നയൂര്‍ക്കുളത്ത് സുഹൃത്തിനെ പൊലീസ് കസ്റ്റഡിയിലെടുത്തത് അന്വേഷിക്കാനെത്തിയ യുവാവ് പോക്സോ കേസില്‍ അറസ്റ്റിലായി. പെരിയമ്പലം ചേലാട്ട് മണികണ്ഠൻ എന്ന 19 കാരനെയാണ് പോക്സോ കേസില്‍ അറസ്റ്റ് ചെയ്തത്. ഫോണില്‍ പ്രായപൂര്‍ത്തിയാകാത്ത പെണ്‍കുട്ടിയുമൊത്തുള്ള അശ്ലീല വീഡിയോയും ചിത്രങ്ങളും മൊബൈലില്‍ കണ്ടെത്തിയതിനെ തുടര്‍ന്നാണ് ഇയാളെ അറസ്റ്റ് ചെയ്തത്.
സുഹൃത്തിന്റെ അറസ്റ്റ് വിവരം അറിയാൻ ബൈക്കിലാണ് യുവാവ് എത്തിയത്. എന്നാല്‍ ഇയാള്‍ ഹെല്‍മറ്റ് ധരിച്ചിരുന്നില്ല. ഇത് ചോദ്യം ചെയ്യാനായി സ്റ്റേഷനകത്തേക്ക് വിളിപ്പിക്കുകയായിരുന്നു. തുടര്‍ന്ന് യുവാവിന്റെ ഫോണ്‍ പരിശോധിച്ചപ്പോഴാണ് പെണ്‍കുട്ടിയുമായുള്ള അശ്ലീല വീഡിയോയും ചിത്രങ്ങളും കണ്ടെത്തിയത്. ഇതോടെ ഇയാള്‍ക്കെതിരെ കേസ് രജിസ്റ്റര്‍ ചെയ്യുകയായിരുന്നു. കോടതിയില്‍ ഹാജരാക്കിയ പ്രതിയെ റിമാൻഡ് ചെയ്തു.
English Summary: man arrested in pocso case
You may also like this video
