ചിത്രത്തില്‍ കാണുന്നത് നായയോ?, വീഡിയോ കാണാം

ചിലപ്പോള്‍ നമുക്ക് തന്നെ നമ്മുടെ കണ്ണുകളെ വിശ്വസിക്കാനാകില്ല. ചിത്രത്തില്‍ കാണുന്നത് നായയെന്ന് കരുതിയെങ്കില്‍ തെറ്റി. അത് നായയല്ല, മനുഷ്യനാണ്. ടോക്കോ. നായയായി രൂപം മാറണമെന്ന തന്റെ ചിരകാല സ്വപ്നം പൂര്‍ത്തിയാക്കിയ സന്തോഷത്തിലാണ് ടോക്കോയിപ്പോള്‍.

നായകളോടുള്ള അമിതസ്നേഹംമൂലമാണ് ടോക്കോയ്ക്ക് ഇങ്ങനെ ഒരു ആഗ്രഹം തോന്നിയത്. നായയുടെ ഇനമായ “കോളി” ആയി ടോക്കിയെ രൂപം മാറ്റിയത് സെപ്പറ്റ് എന്ന പ്രൊഫഷണൽ ഏജൻസിയാണ്. 12 ലക്ഷത്തിലധികം (2 ദശലക്ഷം യെൻ) രൂപമുടക്കിയാണ് ഈ രൂപമാറ്റം സാധ്യമുണ്ടായത്. 40 ദിവസമെടുത്താണ് ടോക്കോയെ കോളിയാക്കിയത്.

രൂപം നായയുടേത് പോലെയായെങ്കിലും നായയുടെ അത്ര വേഗത്തില്‍ ഓടാനൊന്നും തനിക്ക് ഇപ്പോള്‍ സാധ്യമല്ല, പക്ഷെ നായയെപ്പോലെ നടക്കാനും ഇരിക്കാനും സാധിക്കുമെന്നും ടോക്കോ പറയുന്നു. താന്‍ ഒരു മനുഷ്യനാണെന്നും നായയായി രൂപമാറ്റം വരുത്തിയതാണെന്നും ടോക്കോ തന്റെ യൂട്യൂബ് ചാനലിലൂടെ വെളിപ്പെടുത്തിയ വീഡിയോയും ഇതിനകം വൈറലായിരുന്നു.

Eng­lish Sum­ma­ry: Is this a dog in the pic­ture? Watch the video

You may like this video also