വീടുപൊളിക്കുന്നതിനിടയിൽ ഭിത്തിക്കടിയിൽപ്പെട്ട് ഗൃഹനാഥൻ മരിച്ചു

വീടുപൊളിക്കുന്നതിനിടയിൽ ഗൃഹനാഥൻ ഭിത്തിക്കടിയിൽപ്പെട്ടു മരിച്ചു. തുറവൂർ വളമംഗലം വടക്ക് മുണ്ടുപറമ്പിൽ പ്രദീപ് (56) ആണ് മരിച്ചത്. പുതിയ വീട് വെച്ചതിനുശേഷം പഴയ വീട്പൊളിക്കുന്നതിനിടെയാണ് അപകടം. വീട് പൊളിക്കുന്നതിനിടെ ചുമർ ഇടിഞ്ഞ് പ്രദീപിന്റെ ദേഹത്ത് വീഴുകയായിരുന്നു. മൃതദേഹം ആശുപത്രിയിലേക്ക് മാറ്റി. പോസ്റ്റുമോ‍ർട്ടത്തിന് ശേഷം കുടുംബത്തിന് വിട്ടുനൽകും.