കോൺഗ്രസ്‌ നേതൃത്വത്തിലുള്ള സഹകരണബാങ്കിലെ നിക്ഷേപത്തുക തിരികെ ലഭിക്കാത്തതിനെ തുടര്‍ന്ന് വിഷംകഴിച്ച് ആത്മഹത്യ ചെയ്യാന്‍ ശ്രമിച്ച ഗൃഹനാഥൻ ചികിത്സയിലിരിക്കെ മരിച്ചു. നെയ്യാറ്റിൻകര മരുതത്തൂർ സ്വദേശി സോമസാഗരം (55) ആണ് മരിച്ചത്.
അടുത്തയാഴ്ച ഇദേഹത്തിന്റെ മകളുടെ വിവാഹം നടത്താൻ നിശ്ചയിച്ചിരുന്നു. വിവാഹ ആവശ്യങ്ങൾക്കായിരുന്നു പണം ആവശ്യപ്പെട്ടത്.
പെരുമ്പഴുതൂർ സഹകരണ ബാങ്കിലാണ് അഞ്ച് ലക്ഷം രൂപ നിക്ഷേപിച്ചത്. മൂന്നുമാസത്തിലേറെ ഈ തുക ലഭിക്കാനായി സോമസാഗരം ബാങ്കിൽ കയറിയിറങ്ങി. ബാങ്കിൽ നിന്നും കൂടുതൽ കാലതാമസം പറഞ്ഞതോടെ കഴിഞ്ഞ മാസം 19 ന് ആണ് ഇദേഹം വിഷം കഴിച്ചത്. തിരുവനന്തപുരം മെഡിക്കൽ കോളജ് ആശുപത്രിയില്‍ ചികിത്സയിലിരിക്കെ ഇന്ന് പുലര്‍ച്ചെയോടെയായിരുന്നു മരണം.
English Summary:man died after taking poison
You may also like this video
