പ്രണയം നടിച്ച് പതിനാലുകാരിയെ തട്ടിക്കൊണ്ടുപോയി പീഡിപ്പിച്ച കേസിൽ യുവാവിന് 8 വർഷം തടവ്. നെട്ടയം സ്വദേശി ലാൽ പ്രകാശിനാണ് (29) തിരുവനന്തപുരം അതിവേഗ സ്പെഷൽ കോടതി എട്ട് വർഷം കഠിന തടവിനും 25,000 രൂപ പിഴയും വിധിച്ചത്. പിഴ അടച്ചില്ലെങ്കിൽ ഒന്നര വർഷം കൂടുതൽ തടവ് അനുഭവിക്കണം. പിഴ തുക പീഡനത്തിനിരയായ പെൺകുട്ടിക്ക് നൽകാൻ കോടതി ഉത്തരവിട്ടു.
2013 മേയ് മൂന്നിനാണ് സംഭവം. ഒൻപതാം ക്ലാസുകാരിയായ പെണ്‍കുട്ടിയെ പ്രണയം നടിച്ച് വിവാഹ വാഗ്ദാനം നൽകി തട്ടിക്കൊണ്ടുപോയി പീഡിപ്പിക്കുകയായിരുന്നു. തട്ടിക്കൊണ്ടുപോയി സുഹൃത്തിന്റെ വീട്ടിൽ താമസിപ്പിച്ച ശേഷമാണ് പീഡനം. കുട്ടിയെ വീട്ടുകാരോട് ബന്ധപ്പെടാനോ പുറത്തേക്ക് പോകാനോ പ്രതി അനുവദിച്ചില്ല. തുടര്‍ന്ന് പെണ്‍കുട്ടിയെ കാണാതായതോടെ കുടുംബം പേട്ട പൊലീസിൽ പരാതി നൽകി. രണ്ടാഴ്ചയ്ക്കുശേഷം പെൺകുട്ടി വീട്ടുകാരുമായി ഫോണിൽ ബന്ധപ്പെടുകയും പൊലീസ് സ്ഥലത്തെത്തി കുട്ടിയെ രക്ഷപ്പെടുത്തുകയുമായിരുന്നു.
English Summary: man gets eight years imprisonment for pocso case
You may also like this video
