പാമ്പ് കടിയേല്‍ക്കുന്നത് സ്വപ്നം കാണുന്നത് തടയാൻ ജോത്സ്യന്റെ നിര്‍ദ്ദേശപ്രകാരം നാഗപൂജ നടത്തിയ 54‑കാരന്റെ നാവില്‍ പാമ്പ് കടിച്ചു. കര്‍ഷകനായ രാജയ്ക്കാണ് അണലിയുടെ കടിയേറ്റത്. തമിഴ്‌നാട് ഈറോഡിലാണ് സംഭവം. നാഗപൂജ നടത്തണം എന്ന ജോത്സ്യന്റെ നിര്‍ദ്ദേശപ്രകാരം പാമ്പിന് മുന്നില്‍ നാക്ക് നീട്ടിവയ്ക്കുകയായിരുന്നു.
എന്നാല്‍ പൂജയ്ക്കിടയില്‍ പാമ്പ് ഇയാളുടെ നാവില്‍ കടിക്കുകയായിരുന്നു. തുടര്‍ന്ന് രാജയെ ആശുപത്രിയിലെത്തിക്കുകയും ജീവന്‍ രക്ഷിക്കുന്നതിന് വേണ്ടി നാവ് മുറിച്ചുമാറ്റുകയും ചെയ്തു. വിഷം സാരമായി നാക്കിനെ ബാധിച്ചതിനെ തുടര്‍ന്നാണ് നാക്ക് മുറിച്ച് മാറ്റിയതെന്ന് ഈറോട് മണിയന്‍ ആരോഗ്യകേന്ദ്രത്തിലെ ഡോ. സെന്തില്‍ കുമാരന്‍ വ്യക്തമാക്കി.
English Summary: Tamil Nadu man loses tongue to snake bite after following astrologer’s advice
You may also like this video
