നാല് വയസുകാരിയോട് ലൈംഗികാതിക്രമം കാട്ടിയ 21 കാരന് 5 വര്‍ഷം കഠിന തടവും 25000 രൂപ പിഴയും. ഇടുക്കി മണിയറന്‍കുടി സ്വദേശിയായ യുവാവിനെ ഇടുക്കി പൈനാവ് അതിവേഗ കോടതി ജഡ്ജ് ടി ജി വര്‍ഗീസാണ് ശിക്ഷിച്ചത്. പിഴ ഒടുക്കാത്തപക്ഷം അധിക ശിക്ഷ അനുഭവിക്കണമെന്നും ഇരയായ പെണ്‍കുട്ടിയുടെ പുനരധിവാസത്തിനായി 25000 രൂപ നല്കാന്‍ ജില്ലാ ലീഗല്‍ സര്‍വീസ് അതോറിറ്റിയോട് നിര്‍ദ്ദേശിച്ചും കോടതി ഉത്തരവായി. 2021 ലാണ് കേസിനാസ്പദമായ സംഭവം നടന്നത്. ഇടുക്കി പൊലീസ് കേസ് രജിസ്റ്റര്‍ ചെയ്ത് കുറ്റപത്രം നല്‍കിയ കേസില്‍ പ്രോസിക്യൂഷന് വേണ്ടി സ്‌പെഷ്യല്‍ പബ്ലിക് പ്രോസിക്യൂട്ടര്‍ ഷിജോമോന്‍ ജോസഫ് കോടതിയില്‍ ഹാജരായി
നാല് വയസുകാരിയോട് ലൈംഗികാതിക്രമം; 21 കാരന് 5 വര്‍ഷം കഠിന തടവും 25000 രൂപ പിഴയും
