അഖിലേന്ത്യാ കിസാൻ സഭയുടെ പ്രസിഡന്റ് ആയിരുന്ന സി കെ ചന്ദ്രപ്പന്റെ ചരമവാർഷിക ദിനമായ മാര്‍ച്ച് 22ന് സംസ്ഥാനത്ത് കിസാൻ സഭ അംഗത്വ വിതരണം ആരംഭിക്കും. പ്രാദേശിക സഭകളുടെ നേതൃത്വത്തിൽ ഗൃഹസന്ദർശനം നടത്തി കർഷകരെ കിസാൻ സഭയിൽ അംഗങ്ങളാക്കുമെന്ന് സംസ്ഥാന ജനറൽ സെക്രട്ടറി വി ചാമുണ്ണി പറഞ്ഞു.
ദേശീയ കർഷക പ്രക്ഷോഭത്തിൻ്റെ പുതിയ ഘട്ടത്തിന് രാജ്യമാക്കെ തയ്യാറെടുക്കുന്ന ഈ സമയത്ത് ഗൃഹസന്ദർശനത്തിനും കർഷകരെ നേരിട്ട് കാണലിനും ഏറെ പ്രാധാന്യമുണ്ട്. പ്രാദേശീയമായ കാർഷിക വിഷയങ്ങൾ മനസിലാക്കാനും കർഷക സമൂഹത്തിന്റെ പ്രശ്നങ്ങൾ തൊട്ടറിയാനും ഈ പരിപാടി ഉപയോഗപ്പെടുത്തണമെന്ന് വി ചാമുണ്ണി അഭ്യർത്ഥിച്ചു.
You may also like this video
