ഉത്തരാഖണ്ഡില്‍ മേല്‍ജാതിക്കാരിയായ യുവതിയെ വിവാഹം ചെയ്ത ദളിത് യുവാവിനെ ഭാര്യയുടെ വീട്ടുകാര്‍ തല്ലിക്കൊന്നു. സംഭവത്തില്‍ യുവതിയുടെ അമ്മ, രണ്ടാനച്ഛന്‍, സഹോദരന്‍ എന്നിവര്‍ അറസ്റ്റിലായിട്ടുണ്ട്.
പനുവധോഖാന്‍ നിവാസിയായ ജഗദീഷ് ചന്ദ്രയും ഭിക്കിയസൈന്‍ നിവാസിയായ ഗീതയും ഓഗസ്റ്റ് 21 നാണ് ഗൈരാദ് ക്ഷേത്രത്തില്‍ വച്ച് വിവാഹിതരായത്. യുവതിയുടെ വീട്ടുകാരില്‍നിന്നും ഭീഷണിയുണ്ടെന്നും സംരക്ഷണം വേണമെന്നും ജഗദീഷ് ചന്ദ്ര പൊലീസിനോട് ആവശ്യപ്പെട്ടിരുന്നു.
യുവാവിനെ തട്ടിക്കൊണ്ടുപോയി കാറിലിട്ട് മര്‍ദിച്ചാണ് കൊലപ്പെടുത്തിയതെന്ന് പൊലീസ് പറഞ്ഞു. ഉത്തരാഖണ്ഡ് പരിവര്‍ത്തന്‍ പാര്‍ട്ടിയുടെ (യുപിപി) നേതാവായ ജഗദീഷ് രണ്ട് തവണ നിയമസഭാ തെരഞ്ഞെടുപ്പില്‍ മത്സരിച്ചിട്ടുണ്ട്.
English Summary: married an upper-caste young woman; Dalit youth was beaten to death by his wife’s family
You may like this video also
