രാഷ്ട്രപിതാവ് മഹാത്മാഗാന്ധിയെ ഇന്ത്യയെ അദ്ദേഹത്തിന്‍റെ ഘാതകനായ നാഥുറാം ഗോഡ്സെയുടെ നാമത്തില്‍ അറിയപ്പെടാന്‍ അനുവദിക്കില്ലെന്ന് പിഡിപി ചെയര്‍മാനും, ജമ്മുകശ്മീര്‍ മുന്‍ മുഖ്യമന്ത്രിയുമായ മെഹ്ബുബ മുഫ്തി.
കഴിഞ്ഞ ദിവസം പട്നയില്‍ നടന്ന 17 പ്രതിപക്ഷ പാര്‍ട്ടികളുടെ യോഗത്തിന് ശേഷം നടത്തിയ വാര്‍ത്താസമ്മേളനത്തില്‍ സംസാരിക്കുകയായിരുന്നു അദ്ദേഹം.ഗാന്ധിയുടെ ഇന്ത്യയെഗോഡ്സേയുടെ രാജ്യമാക്കി മാറ്റാന്‍ ഞങ്ങള്‍ അനുവദിക്കില്ല.ഇന്ത്യയുടെ ആശയങ്ങള്‍ക്കുള്ള പിന്തുണക്കാരാണ് ജമ്മുകശ്മീര്‍.
ഞങ്ങള്‍ ഇന്ത്യയെ ഗോഡ്സേയുടെ രാജ്യമാക്കി മാറ്റാതിരിക്കാനുള്ള എല്ലാ ശ്രമങ്ങളും നടത്തും. ന്യൂനപക്ഷങ്ങളെ എങ്ങനെയാണ് കൈകാര്യം ചെയ്യുന്നതെന്നും ജനാധിപത്യത്തില്‍ എങ്ങനെ തുരങ്കം വെക്കുന്നുവെന്നും രാജ്യം കണ്ടുകൊണ്ടിരിക്കുകയാണ്.
ഇതിനെ പ്രതിരോധിക്കാന്‍ പ്രതിപക്ഷ പാര്‍ട്ടികള്‍ ഒന്നിച്ചിരിക്കുകയാണ് അവര്‍ പറഞ്ഞു.ഈ പാര്‍ട്ടികള്‍ ഒന്നിച്ചത് അധികാരത്തിന് വേണ്ടിയല്ലെന്നും തത്വങ്ങള്‍ക്ക് വേണ്ടിയാണെന്നും ജമ്മു കശ്മീര്‍ മുന്‍ മുഖ്യമന്ത്രിയായ ഒമര്‍ അബ്ദുള്ളയും പറഞ്ഞു.
കശ്മീര്‍ മുതല്‍ കന്യാകുമാരി വരെയുള്ള 17 പാര്‍ട്ടികള്‍ ഒരുമിച്ചത് അധികാരത്തിന് വേണ്ടിയല്ല. തത്വങ്ങള്‍ക്കും രാജ്യത്ത് ജനാധിപത്യം നിലനില്‍ക്കാനും വേണ്ടിയാണ്. ദുരന്തത്തില്‍ നിന്ന് രാജ്യത്തെ സംരക്ഷിക്കാന്‍ വേണ്ടിയാണ് ഞങ്ങള്‍ ഒരുമിച്ചത് അദ്ദേഹം പറഞ്ഞു
English Summary:
Mehbooba Mufti will not allow India to be known by the name of Godse
You may also like this video:
