സംസ്ഥാനത്ത് മണ്ണെണ്ണ വില വര്‍ദ്ധിപ്പിക്കില്ലെന്ന് ഉറപ്പു നല്‍കി മന്ത്രി ജി ആര്‍ അനില്‍

മണ്ണെണ്ണയ്ക്ക് വില വര്‍ധിപ്പിച്ച് എണ്ണക്കമ്പനികള്‍. ഫെബ്രുവരി 1, 2 തിയതികളിലായി വില വര്‍ധനവ് പ്രബല്യത്തില്‍ വരിക. എന്നാല്‍ നിലവില്‍ 53 രൂപയ്ക്കാണ് സംസ്ഥാനത്തെ റേഷന്‍ കടകളിലൂടെ മണ്ണെണ്ണ വിതരണം ചെയ്യുന്നത്. നിലവിലെ വര്‍ദ്ധന നടപ്പിലാക്കിയാല്‍ റേഷന്‍ കടകളിലൂടെ വിതരണം ചെയ്യുന്ന പി.ഡി.എസ് മണ്ണെണ്ണയുടെ വില 60 രൂപയോളമാകും. സാധാരണക്കാരായ ജനങ്ങള്‍ക്ക് കൂടുതല്‍ സാമ്പത്തിക ബാദ്ധ്യത വരുത്തുന്ന വില വര്‍ദ്ധന ഒഴിവാക്കി ജനുവരി മാസത്തെ വിലയ്ക്കു തന്നെ സംസ്ഥാനത്തെ കാര്‍ഡുടമകള്‍ക്ക് മണ്ണെണ്ണ വിതരണം ചെയ്യുന്നതിന് ആവശ്യമായ നിര്‍ദ്ദേശം പൊതുവിതരണ വകുപ്പ് ‍ഡയറക്ടര്‍ക്ക് നല്‍കിയിട്ടുണ്ടെന്ന് ഭക്ഷ്യപൊതുവിതരണ വകുപ്പ് മന്ത്രി ജി. ആര്‍. അനില്‍ അറിയിച്ചു.

ENGLISH SUMMARY:Minister GR Anil has assured that kerosene prices will not increase in the state
You may also like this video