സംസ്ഥാന സഹകരണ കാര്‍ഷിക ഗ്രാമവികസന ബാങ്കിന്റെ മാതൃക കര്‍ഷകനുള്ള പുരസ്‌കാരം നേടിയ തോപ്രാംകുടി തോമസ് ഇലന്തിമറ്റത്തിനെ മന്ത്രി റോഷി അഗസ്റ്റിന്‍ ആദരിച്ചു. ഇടുക്കി താലൂക്ക് സഹകരണ കാര്‍ഷിക ഗ്രാമവികസന ബാങ്കിന്റെ നേതൃത്വത്തില്‍ കട്ടപ്പനയില്‍ സംഘടിപ്പിച്ച യോഗത്തിലാണ് ആദരിച്ചത്. കാര്‍ഷിക പുരസ്‌കാരങ്ങള്‍ കാര്‍ഷിക മേഖലയ്ക്കുള്ള അംഗീകാരംകൂടിയാണെന്ന് മന്ത്രി റോഷി അഗസ്റ്റിന്‍ പറഞ്ഞു.
ഇതുംകൂടി വായിക്കു: കാര്‍ഷിക രംഗത്തിന് പ്രാധാന്യമുള്ള പ്രവര്‍ത്തനങ്ങള്‍ക്ക് ജലവിഭവ വകുപ്പിനെ പ്രാപ്തമാക്കും; മന്ത്രി റോഷി അഗസ്റ്റിന്‍
കഴിഞ്ഞ പ്രളയകാലത്ത് കാര്‍ഷിക മേഖലയിലുണ്ടായ കഷ്ട നഷ്ടങ്ങള്‍ വിലയിരുത്തി കാര്‍ഷിക പുനരുജ്ജീവനത്തിന് ഇടുക്കി പാക്കേജില്‍ പ്രാധാന്യം നല്‍കുമെന്നും മന്ത്രി പറഞ്ഞു. മൈക്രോ ഇറിഗേഷന്‍ പദ്ധതിയിലൂടെ നാണ്യവിളകള്‍ക്ക്കൂടി ജലസേചനം ലഭ്യമാകുന്ന പദ്ധതി ആസൂത്രണത്തിന്റെ അവസാന ഘട്ടത്തിലാണെന്നും മന്ത്രി വ്യക്തമാക്കി.
ഇതുംകൂടി വായിക്കു: മുല്ലപ്പെരിയാറില്‍ പുതിയ അണക്കെട്ട്; പരിസ്ഥിതി ആഘാത പഠനംപുരോഗമിക്കുന്നു: മന്ത്രി റോഷി അഗസ്റ്റിന്‍
കാര്‍ഷിക വികസന ബാങ്കിന്റെ സംസ്ഥാനത്തെ മാതൃക കര്‍ഷകനുള്ള പുരസ്‌കാരം സഹകരണ വകുപ്പ് മന്ത്രി വിഎന്‍ വാസവന്‍ തോമസ് ഇ.ജെ ഇലന്തിമറ്റത്തിന് കഴിഞ്ഞ ദിവസം നല്‍കിയിരുന്നു. ഒരു ലക്ഷം രൂപയും പ്രശസ്തി പത്രവുമാണ് പുരസ്‌കാരം.
english summary;Minister Roshi Augustine honored EJ Thomas with the Model Farmer Award
you may also like this video;
