നവകേരള നിർമ്മിതിയുടെ ഭാഗമായി ഇതിനകം സർക്കാർ ഉണ്ടാക്കിയ മുന്നേറ്റത്തെക്കുറിച്ച് ജനങ്ങളുമായി കൂടുതൽ സംവദിക്കുന്നതിനും സമൂഹത്തിന്റെ ചിന്താഗതികൾ അടുത്തറിയുന്നതിനുമായി മുഖ്യമന്ത്രിയും മന്ത്രിമാരും നടത്തുന്ന മണ്ഡലം പര്യടനങ്ങള്‍ ജനസദസുകളാകും. തൊഴിലാളികളും കൃഷിക്കാരും കർഷകത്തൊഴിലാളികളും മഹിളകളും യുവജനങ്ങളും വിദ്യാർത്ഥികളും മുതിർന്ന പൗരന്മാരും അടങ്ങുന്ന ജനസമൂഹത്തിന് കേരളത്തിന്റെ വികസനരംഗത്ത് പങ്കാളികളാകാന്‍ അവസരമൊരുക്കുന്നതാണ് മണ്ഡലം സദസുകള്‍. പരിപാടിയെ സംബന്ധിച്ച് പൊതുഭരണ വകുപ്പ് മാർഗരേഖ പുറപ്പെടുവിച്ചു. നവംബർ 18ന് വൈകിട്ട് 3.30ന് മഞ്ചേശ്വരത്ത് നടക്കുന്ന മണ്ഡലം സദസ് പരിപാടിയോടെയാണ് തുടക്കം. ഓരോ മണ്ഡലത്തിലും എംഎൽഎമാർ പരിപാടിക്കു നേതൃത്വം വഹിക്കണം. മണ്ഡലാടിസ്ഥാനത്തിൽ സംഘാടകസമിതി രൂപീകരിക്കണമെന്ന് മാര്‍ഗരേഖയില്‍ പറയുന്നു.
English Summary:Ministers constituency tour will be Nawakerala Janasadhas
You may also like this video
