കോട്ടയത്ത് പാലായില്‍ പെണ്‍കുട്ടിയിലെ നിര്‍ത്തിയിട്ട ബസില്‍വച്ച് പീഡിപ്പിക്കാന്‍ ശ്രമിച്ച സ്വകാര്യ ബസ് ഡ്രൈവറെയും ഇയാള്‍ക്ക് ഒത്താശ ചെയ്ത ഡ്രൈവറെയും പൊലീസ് അറസ്റ്റ് ചെയ്തു. കൊട്ടാരമറ്റം ബസ് സ്റ്റാന്‍ഡിനുള്ളില്‍ നിര്‍ത്തിയിട്ടിരുന്ന സ്വകാര്യ ബസിനുള്ളില്‍വച്ചാണ് പീഡനശ്രമം നടന്നത്.
സ്വകാര്യ ബസ് കണ്ടക്ടർ സംക്രാന്തി സ്വദേശി തുണ്ടിപ്പറമ്പിൽ അഫ്സൽ (31) ആണ് അറസ്റ്റിലായത്. പ്രതിയുടെ ബസിലെ സ്ഥിരം യാത്രക്കാരിയായിരുന്നു എട്ടാം ക്ലാസ് വിദ്യാര്‍ഥിനി.
പ്രണയം നടിച്ച് പെണ്‍കുട്ടിയെ വശത്താക്കിയതിനുശേഷമായിരുന്നു പീഡന ശ്രമം. ശനിയാഴ്ച ഉച്ചയോടെ സ്‌കൂള്‍ കഴിഞ്ഞ് വിദ്യാര്‍ഥിനി പ്രതിയുടെ ആവശ്യപ്രകാരം പാലാ കൊട്ടാരമറ്റം സ്റ്റാന്‍ഡില്‍ എത്തി. പിന്നീട് ആളില്ലെന്ന് പറഞ്ഞുകൊണ്ട് ബസിന്‍റെ ട്രിപ്പ് മുടക്കുകയായിരുന്നു. പെൺകുട്ടിയെ ബസിനുള്ളിൽ കയറ്റിയതിനുശേഷം കൂട്ടാളികൾ പ്രതിക്ക് ഒത്താശചെയ്ത ശേഷം ഷട്ടർ താഴ്ത്തി പുറത്തുപോവുകയായിരുന്നു. തുടര്‍ന്ന് പാലാ ഡിവൈഎസ്പിക്ക് ലഭിച്ച രഹസ്യവിവരത്തെ തുടര്‍ന്ന് പാലാ പോലീസ് ബസിനുള്ളില്‍ നിന്നും കുട്ടിയെയും പ്രതിയെയും കണ്ടെത്തുകയായിരുന്നു. പീഡനത്തിന് കൂട്ടുനിന്ന കട്ടപ്പന സ്വദേശിയായ ഡ്രൈവര്‍ എബിനെയും പോലീസ് പിന്നീട് അറസ്റ്റ് ചെയ്തു. ബസ് പോലീസ് കസ്റ്റഡിയിലെടുത്തിരിക്കുകയാണ്. പെൺകുട്ടിയുടെ മൊഴി പ്രകാരം കേസെടുത്ത പോലീസ് കുട്ടിയെ മെഡിക്കൽ പരിശോധനയ്ക്ക് വിധേയമാക്കി. കുട്ടിയെ പോലീസ് കൗൺസിലിംഗിന് വിധേയമാക്കി.
English Summary: Minor girl molested in parked private bus: Conductor and accomplice arrested
You may like this video also
