ഉത്തർപ്രദേശിൽ ഏഴും നാലും വയസുള്ള സഹോദരിമാരായ പെണ്‍കുട്ടിയെ കഴുത്തറുത്ത് കൊലപ്പെടുത്തിയ നിലയിൽ കണ്ടെത്തി. ബഹദൂർപൂർ ഗ്രാമത്തിലാണ് സംഭവം. സുരഭി (7), റോഷ്നി (4) എന്നിവരാണ് കൊല്ലപ്പെട്ടത്.
ഞായറാഴ്‌ച വൈകിട്ട്‌ ആറുമണിയോടെയാണ് പെണ്‍കുട്ടികളെ കൊലപ്പെടുത്തിയ നിലയില്‍ കണ്ടെത്തിയത്. മൃതദേഹങ്ങൾ വ്യത്യസ്ത മുറികളിലായാണ് കിടന്നിരുന്നത്. സംഭവം നടന്ന സമയത്ത് വീട്ടില്‍ ആരുമില്ലായിരുന്നുവെന്ന് പൊലീസ് പറഞ്ഞു.
കുട്ടികളുടെ മാതാപിതാക്കളും അവരുടെ മൂത്ത കുട്ടികളും വീട്ടിലില്ലായിരുന്ന സമയത്താണ് അക്രമം നടന്നതെന്നും പൊലീസ് കൂട്ടിച്ചേര്‍ത്തു. കൊലയ്ക്കു പിന്നിൽ ആരെന്ന് വ്യക്തമല്ല. കുടുംബവുമായി അടുപ്പമുള്ള ഒരാളായിരിക്കാം കുറ്റകൃത്യം നടത്തിയതെന്നും സംഭവത്തിൽ കേസ് രജിസ്റ്റര്‍ ചെയ്ത് അന്വേഷണം ആരംഭിച്ചതായും ബൽറായി പൊലീസ് അറിയിച്ചു.
English Summary: Minor girls were found inside the house with their throats slit
You may also like this video
