പ്രായപൂര്‍ത്തിയാകാത്ത വിദ്യാര്‍ത്ഥിനിക്ക് നേരെ നഗ്നതാ പ്രദര്‍ശനം നടത്തിയ യുവാവിനെ അറസ്റ്റ് ചെയ്തു. വടയാര്‍ സ്വദേശി 25 കാരനായ അനന്തു അനില്‍കുമാറിനെയാണ് അറസ്റ്റ് ചെയ്തത്. വൈക്കം തലയോലപ്പറമ്പില്‍ തിങ്കളാഴ്ചയായിരുന്നു സംഭവം.
സ്വാതന്ത്ര്യദിന പരേഡില്‍ പങ്കെടുത്ത് വീട്ടിലേക്ക് മടങ്ങുകയായിരുന്നു പെണ്‍കുട്ടിക്ക് നേരെ റോഡില്‍വച്ചാണ് ഇയാള്‍ നഗ്നതാ പ്രദര്‍ശനം നടത്തിയത്.
ഭയന്ന് പോയ പെണ്‍കുട്ടി തിരികെ ഓടി സ്കൂളിലെത്തി അധ്യാപകരെ അറിയിക്കുകയായിരുന്നു. ഉടൻ അധ്യാപകര്‍ സംഭവസ്ഥലത്തെത്തിയെങ്കിലും ഇയാള്‍ ബൈക്കില്‍ കടന്നു കളഞ്ഞിരുന്നു. തുടര്‍ന്ന് പൊലീസില്‍ പരാതി നല്‍കുകയും, സിസിടിവി ദൃശ്യങ്ങള്‍ വഴി പ്രതിയെ തിരിച്ചറിഞ്ഞ് അറസ്റ്റ് ചെയ്യുകയായിരുന്നു.
English Summary: misbehaving of student: 25-year-old arrested
You may also like this video
