കമ്മ്യൂണിസ്റ്റ് പ്രസ്ഥാനത്തിന്റെ സമാരാധ്യ നേതാവും മുൻ മന്ത്രിയും പ്രഗത്ഭ പാർലമെന്റേറിയനും ആയിരുന്ന എം എൻ ഗോവിന്ദൻ നായരുടെ ചരമവാർഷിക ദിനം സംസ്ഥാനത്ത് സമുചിതമായി ആചരിച്ചു. സംസ്ഥാന വ്യാപകമായി ഛായാചിത്രത്തിൽ പുഷ്പാർച്ചന, പാർട്ടി പതാക ഉയർത്തൽ, അനുസ്മരണ യോഗങ്ങൾ തുടങ്ങിയ പരിപാടികൾ സംഘടിപ്പിച്ചു.
പാർട്ടി സംസ്ഥാന കൗൺസിൽ ആസ്ഥാനമായി പ്രവർത്തിക്കുന്ന പട്ടം പി എസ് സ്മാരകത്തിൽ നടന്ന അനുസ്മരണ ചടങ്ങില്‍ സംസ്ഥാന അസിസ്റ്റന്റ് സെക്രട്ടറി ഇ ചന്ദ്രശേഖരന്‍ എംഎല്‍എ സംസാരിച്ചു. ദേശീയ കൗണ്‍സില്‍ അംഗം ജി ആര്‍ അനില്‍, ജില്ലാ സെക്രട്ടറി മാങ്കോട് രാധാകൃഷ്ണന്‍, സംസ്ഥാന എക്സിക്യൂട്ടീവ് അംഗം സി പി മുരളി തുടങ്ങിയവര്‍ പുഷ്പാര്‍ച്ചനയില്‍ പങ്കെടുത്തു.