നവീകരണം പൂർത്തീകരിച്ച സിപിഐ ആസ്ഥാന മന്ദിരം എംഎൻ സ്മാരകത്തിന്റെ ഉദ്ഘാടനം ഇന്ന്. മലയാളത്തിന്റെ പ്രിയ എഴുത്തുകാരന് എം ടി വാസുദേവന് നായരുടെ നിര്യാണത്തെത്തുടര്ന്ന് പൊതുചടങ്ങുകള് ഇല്ലാതെയാണ് ഉദ്ഘാടനം നടക്കുക. രാവിലെ പത്ത് മണിക്ക് സംസ്ഥാന സെക്രട്ടറി ബിനോയ് വിശ്വം പാര്ട്ടി പതാക ഉയര്ത്തും. തുടര്ന്ന് ശിലാഫലകം അനാച്ഛാദനം ചെയ്യും. ഉദ്ഘാടന ചടങ്ങുകള്ക്ക് ശേഷം ഓഫിസിൽ സംസ്ഥാന കൗൺസിൽ യോഗം ചേരും.
ഇന്നലെ നടത്തുവാന് നിശ്ചയിച്ചിരുന്ന ഉദ്ഘാടന പരിപാടി, എം ടി വാസുദേവന് നായരുടെ വേര്പാടിനെത്തുടര്ന്നാണ് ഇന്നത്തേക്ക് മാറ്റിയത്. കോൺഫറൻസ് ഹാൾ, പ്രസ് റൂം, ലൈബ്രറി, സോഷ്യൽമീഡിയ റൂം, ക്വാട്ടേഴ്സ്, മെസ് എന്നിവ ഉൾപ്പെടെ വിപുലമായ സൗകര്യങ്ങളാണ് നവീകരിച്ച കെട്ടിടത്തിലുള്ളത്.
എംഎൻ സ്മാരകം ഉദ്ഘാടനം ഇന്ന്
