ആത്മനിർഭർ ഭാരതത്തിന്റെ കടയ്ക്കൽ കത്തി വയ്ക്കുന്ന മോഡി ഗവണ്മെന്റിനെ കെട്ടുകെട്ടിയ്ക്കാൻ സാമ്പത്തിക മേഖലയിലെ ജീവനക്കാർ ഒന്നിച്ചണിനിരക്കുമെന്ന് എഐടിയുസി വർക്കിംഗ് പ്രസിഡന്റ് ബിനോയ് വിശ്വം എംപി. എൽഐസിയുടെ സമ്പത്ത് അഡാനിക്ക് അടിയറ വച്ച നരേന്ദ്രമോഡിക്ക് ആത്മനിർഭർ ഭാരതത്തിന്റെ അർത്ഥം അറിയില്ലെന്ന് എൽഐസി എംപ്ലോയീസ് ഫെഡറേഷൻ പ്രസിഡന്റ് കൂടിയായ ബിനോയ് പറഞ്ഞു. വാരണാസിയിൽ ചേർന്ന ഫെഡറേഷൻ യോഗത്തിൽ അദ്ധ്യക്ഷത വഹിച്ച് സംസാരിക്കുകയായിരുന്നു അദ്ദേഹം.
എൽഐസിയെയും ബാങ്കുകളെയും സംരക്ഷിക്കാനുള്ള സമരം കർഷകരുടെയും തൊഴിലാളികളുടെയും സമരങ്ങളോട് കൈകോർത്ത് നീങ്ങുമെന്ന് അദ്ദേഹം വ്യക്തമാക്കി. എൽഐസി എംപ്ലോയീസ് ഫെഡറേഷൻ നേതാക്കളായ രാജേഷ് കുമാർ, രമേഷ് പതി, സുരേഷ് ശ്രീവാസ്തവ , കൃഷ്ണമൂർത്തി എന്നിവർ പ്രസംഗിച്ചു.
English Summary: Modi who sold LIC to Adani does not know the meaning of Atmanirbhar Bharat: Binoy Vishwam
You may also like this video
