മുസ്ലീംങ്ങളെ നുഴഞ്ഞുകയറ്റക്കാരാണെന്നും കോണ്‍ഗ്രസ് അധികാരത്തിലെത്തിയാല്‍ രാജ്യത്തിന്റെ സ്വത്ത് മുസ്ളീങ്ങള്‍ക്ക് വീതിച്ചുനല്‍കണമെന്നും പ്രധാനമന്ത്രി നരേന്ദ്രമോഡി. രാജസ്ഥാനിലെ തെരഞ്ഞെടുപ്പ് പ്രചരണത്തിലാണ് രാജ്യത്തെ മുസ്ലീം ജനതയെ അധിക്ഷേപിക്കുന്ന തരത്തില്‍ മോഡി വിദ്വേഷ പ്രസംഗം നടത്തിയത്.
പ്രസംഗത്തില്‍ അംഗീകരിക്കാനാകുമോ എന്നും പ്രസംഗത്തിനിടെ മോഡി ചോദിച്ചു.രാജ്യത്തിലെ സമ്പത്തിന്റെ ആദ്യ അവകാശികൾ മുസ്‍ലിംകളാണെന്ന് കോൺഗ്രസിന്റെ മുൻ പ്രധാനമന്ത്രി മൻമോഹൻ സിങ് പറഞ്ഞിട്ടുണ്ട്. ഈ സ്വത്തുക്കളെല്ലാം ഒരുമിച്ചുകൂട്ടി കൂടുതൽ മക്കളുള്ളവർക്കും നുഴഞ്ഞുകയറ്റക്കാർക്കും നൽകുമെന്നാണ് അതിനർഥം.
നിങ്ങൾ അധ്വാനിച്ചുണ്ടാക്കിയ സ്വത്തുക്കൾ നുഴഞ്ഞുകയറ്റക്കാർക്കു നൽകണോ? ഇത് നിങ്ങൾക്ക് അംഗീകരിക്കാനാകുമോ, രാജസ്ഥാനിലെ ബൻസ്വാരയിൽ നടന്ന ബിജെപിയുടെ തെരഞ്ഞെടുപ്പ് റാലിയിൽ മോഡി പറഞ്ഞു.ഭരണഘടനയെ കുറിച്ച് കള്ളങ്ങൾ പ്രചരിപ്പിച്ച് കോൺഗ്രസ് ജനങ്ങൾക്കിടയിൽ ഭീതി പരത്തുകയാണെന്നും അവർ ആദിവാസികൾക്കും ദലിതുകൾക്കും ന്യൂനപക്ഷങ്ങൾക്കുമിടയിലാകും ചില സമയത്ത് ഭീതി പരത്താറുള്ളതെന്നും മോഡി പറഞ്ഞു. ഈ തെരഞ്ഞെടുപ്പ് സമയത്ത് ഭരണഘടനയെ കുറിച്ചും സംവരണത്തെ കുറിച്ചും കള്ളം പ്രചരിപ്പിക്കുകയാണെന്നും റാലിക്കിടെ അദ്ദേഹം പറഞ്ഞു
English Summary:
Modi with hate speech again; that Muslims are intruders
You may also like this video:
