സംസ്ഥാനത്ത് വാനര വസൂരി സ്ഥിരീകരിച്ച കൊല്ലം സ്വദേശിക്കൊപ്പം യാത്ര ചെയ്ത് രണ്ട് പേര്‍ നീരീക്ഷണത്തില്‍. കോട്ടയം ജില്ലയിലുള്ളവരാണ് ഇപ്പോള്‍ നിരീക്ഷണത്തില്‍ കഴിയുന്നതെന്ന് വിവരം. ഇവര്‍ക്ക് യാതൊരു ലക്ഷണങ്ങളും നിലവിലില്ല അതുകൊണ്ട് ആശങ്ക വേണ്ടെന്ന് ഡിഎംഒ അറിയിച്ചു. എല്ലാ ജില്ലകളിലും ജാഗ്രതാ നിര്‍ദ്ദേശം നല്‍കി കഴിഞ്ഞതായി ആരോഗ്യമന്ത്രി വീണാ ജോര്‍ജ് അറിയിച്ചു.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം എന്നീ അഞ്ച് ജില്ലകളില്‍ നിന്നുള്ളവരാണ് രോഗിയുമായി സമ്പര്‍ക്കത്തിലുണ്ടായിരുന്നത്. എല്ലാ ജില്ലകളിലും ഐസൊലേഷന്‍ സജ്ജമാക്കും. മെഡിക്കല്‍ കോളജുകളിലും പ്രത്യേക സൗകര്യമൊരുക്കുമെന്ന് മന്ത്രി പറഞ്ഞു. കഴിഞ്ഞ 12ാം തീയതിയാണ് യുഎഇയില്‍ നിന്ന് തിരുവനന്തപുരത്ത് ഇയാള്‍ എത്തിയത്.
English Summary:monkey pox; Two persons under surveillance in Kottayam
You may also like this video
