കുരങ്ങന്മാർ വീടിന്റെ ടെറസിൽനിന്ന് തള്ളിയിട്ട് താഴെ വീണ 10-ാം ക്ലാസ് വിദ്യാർഥിനി മരിച്ചു. ബിഹാറിലെ സിവാൻ ജില്ലയിൽ ഭഗവാൻപൂർ പൊലീസ് സ്റ്റേഷൻ പരിധിയിലെ മഘർ ഗ്രാമത്തിലാണ് ദാരുണ സംഭവം. പ്രിയ കുമാർ എന്ന വിദ്യാർഥിനിയാണ് മരിച്ചത്. തണുപ്പ് കാരണം വീടിന്റെ മേൽക്കൂരയിൽ കയറി വെയിലത്ത് ഇരുന്ന് പഠിക്കുകയായിരുന്നു പ്രിയ. ഈ സമയം ഒരു കൂട്ടം കുരങ്ങുകൾ ചാടിയെത്തി ആക്രമിക്കുകയായിരുന്നെന്ന് ദൃസാക്ഷികൾ പറയുന്നു. ബഹളം വെച്ച് കുരങ്ങന്മാരെ ഓടിക്കാൻ ശ്രമിക്കുകയായിരുന്നു. ഇതിനിടയിൽ രക്ഷപ്പെടാൻ ശ്രമിച്ച പെൺകുട്ടിയെ കുരങ്ങന്മാർ ടെറസിൽനിന്ന് തള്ളുകയായിരുന്നു. തലയുടെ പിൻഭാഗത്തടക്കം പെൺകുട്ടിക്ക് പരിക്കേറ്റിരുന്നു. ബോധം നഷ്ടമായിരുന്നു. എന്നാല് കുട്ടിയെ ആശുപത്രിയിലെത്തിച്ചെങ്കിലും മരിച്ചിരുന്നു.
വീടിന്റെ ടെറസിൽ നിന്ന് കുരങ്ങന്മാർ തള്ളിയിട്ടു; 15കാരിയായ വിദ്യാർഥിനിക്ക് ദാരുണാ ന്ത്യം
