മൂന്ന് കവിതകൾ

'ജീവിതം'
നടന്നുതുടങ്ങിയ അന്നുമുതലാണ്
ജീവിച്ചു തുടങ്ങിയത്.
പിന്നെ ചിരിച്ചു, കരഞ്ഞു
എപ്പോഴൊക്കെയോ കിതച്ചു,
പിന്നെ പിടഞ്ഞു. 


'പ്രണയം'
ഒറ്റനോട്ടത്തിൽ ഇഷ്ടമായി
കാണാതെ പലപ്പോഴും കണ്ടു.
വീണ്ടും വീണ്ടും കാണാൻ കൊതിച്ചു.
പ്രണയമാണെന്ന് ഹൃദയം
മന്ത്രിച്ചുകൊണ്ടിരുന്നു.


'മരണം'
രാത്രി വൈകുമെന്ന് പറഞ്ഞതാണ്,
അതുകൊണ്ടാകണം 
പകൽ ഇനിയും പോകാത്തത്.
മരണം ചിലപ്പോഴൊക്കെ
ഒരു മരുന്നാണ്.