ശബരിമല സ്വര്ണക്കൊളള കേസിലെ മുഖ്യപ്രതി ഉണ്ണികൃഷ്ണൻ പോറ്റിയുമായുള്ള ബന്ധത്തിന്റെ കൂടുതൽ തെളിവുകൾ ലഭിച്ചതോടെ ആന്റോ ആന്റണി എംപിയെ ചോദ്യം ചെയ്യാൻ എസ്ഐടി നീക്കം. സ്വര്ണക്കൊള്ള കേസിലെ മുഖ്യപ്രതി ഉണ്ണിക്കൃഷ്ണന് പോറ്റിക്കൊപ്പം ആന്റോ ആന്റണി നില്ക്കുന്ന ചിത്രങ്ങള് പുറത്തു വന്നിരുന്നു.
പോറ്റിയുമായുള്ള ബന്ധത്തില് ആന്റോയില് നിന്നും വിശദീകരണം തേടും. പോറ്റിയുമായി ആന്റോ ആന്റണിക്ക് സാമ്പത്തിക ഇടപാടുകള് ഉണ്ടെന്ന് എസ്ഐടിക്ക് വിവരം ലഭിച്ചതായാണ് സൂചന. സോണിയാഗാന്ധിക്കൊപ്പം ഉണ്ണികൃഷ്ണന് പോറ്റി നടത്തിയ കൂടിക്കാഴ്ചയിലും ആന്റോ ആന്റണി പങ്കെടുത്തിരുന്നു.