കാട് വെട്ടിതെളിക്കുന്നതിനിടയില്‍ ഭരണിയില്‍ അടച്ചു സൂക്ഷിച്ചിരുന്ന കഞ്ചാവ് കണ്ടെടുത്തു. അണക്കര ഗവര്‍മെന്റ് സ്‌കൂളിനു മുന്‍വശത്തായുള്ള ദേവാലയത്തിനു സമീപമുള്ള കുറ്റിക്കാടിനുള്ളിലാണ് കഞ്ചാവ് കണ്ടെത്തിയത്. അഞ്ച് പായ്ക്കറ്റ് കഞ്ചാവ് പൊതികളാണ് ഭരണിക്കുള്ളില്‍ സൂക്ഷിച്ച നിലയില്‍ കണ്ടെത്തിയത്.
ദേവാലയത്തിന്റെ ഉടമ്സ്ഥതയിലുള്ള സ്ഥലത്ത് മാലിന്യം കുന്നുകൂടുകയും, അവിടം കാട് വളര്‍ന്നതോടുകൂടി പള്ളിയുടെ നേതൃത്വത്തിലുള്ള യുവജന സംഘടന സ്ഥലം വൃത്തിയാക്കുവാന്‍ തീരുമാനിച്ചത്. വെട്ടിത്തെളിച്ച കാടിനുള്ളില്‍ മദ്യകുപ്പി, പാട്ട, ഭക്ഷ്ണാവശിഷ്ടങ്ങള്‍ തുടങ്ങിയ സാധനങ്ങള്‍ വേര്‍തിരിക്കുന്നതിനിടയിലാണ് പ്ലാസ്റ്റിക്ക് ടിന്നിന്നുള്ളില്‍ പ്ലാസ്റ്റിക്ക് കവറില്‍ പൊതിഞ്ഞ നിലയില്‍ അഞ്ച് പായ്്കറ്റുകള്‍ കണ്ടെത്തിയത്. സ്‌കൂളിനു സമീപം കഞ്ചാവ് കണ്ടെത്തിയതോടെ കൂടുതല്‍ നിരീക്ഷണത്തിനും, ജാഗ്രതപാലിക്കാനും നാട്ടുകാര്‍ തീരുമാനിച്ചു.വിവരം അറിയിച്ചതിനെ തുടര്‍ന്ന് വണ്ടന്‍മേട് സ്ഥലത്തെത്തി നിയമ നടപടികള്‍ സ്വീകരിച്ചു.
English Summary: More than 100 grams of ganja stored in tins inside the forest
You may also like this video
