തലശ്ശേരിടൗണ്‍ ഹാളില്‍ കോടിയേരി ബാലകൃഷ്ണന്റെ മൃതദേഹവും വഹിച്ചുള്ള വിലാപയാത്ര എത്തി.മുതിര്‍ന്ന നേതാക്കല്ലെവാരുംതന്നെ ടൗണ്‍ഹാളിലുണ്ട്. കണ്ണൂരില്‍ നിന്നും തുറന്ന വാഹനത്തില്‍ പ്രവര്‍ത്തകരുടെ അകമ്പടിയോടെയാണ് വിലാപയാത്ര എത്തിയത്. പതിനാല് കേന്ദ്രങ്ങളില്‍ ജനങ്ങള്‍ക്ക് ആദരം അര്‍പ്പിക്കാന്‍ വിലാപയാത്ര നിര്‍ത്തിയിരുന്നു. മട്ടന്നൂര്‍, നെല്ലൂന്നി, ഉരുവച്ചാല്‍, നീര്‍വേലി,കൂത്തുപറമ്പ്, ആറാംമൈല്‍, വെറ്റുമ്മല്‍, കതിരൂര്‍, പൊന്ന്യം, ചുങ്കം എന്നിടവങ്ങളില്‍ ജനങ്ങള്‍ക്ക് ആദരം അര്‍പ്പിക്കാം. കോടിയേരിയെ അവസാനമായി കാണാന്‍ വന്‍ ജനപ്രവാഹമാണ് റോഡിന് ഇരുവശവും നിറഞ്ഞിരുന്നത്.ടൗണ്‍ഹാളിനും പരിസരത്തുമായി പതിനായിരങ്ങളാണ് എത്തിയിട്ടുള്ളത്. തലശ്ശേരിടൗണ്‍ ഹാളില്‍ കോടിയേരിയുടെ മൃതദേഹം പൊതുദര്‍ശനത്തിന് എത്തിച്ചു.
ആദരമർപ്പിക്കാൻ ജനസാഗരം: വിലാപയാത്ര തലശ്ശേരി ടൗണ്‍ഹാളിലെത്തി
