ഭാര്യയുമായുള്ള തര്ക്കത്തെ തുടര്ന്ന് യുവാവ് എട്ടുവയസുകാരിയായ മകളെ ബലാത്സംഗം ചെയ്ത ശേഷം കഴുത്ത് ഞെരിച്ച് കൊലപ്പെടുത്തി. പ്രതിയായ ഉത്തര്പ്രദേശിലെ സഹാറന്പൂര് സ്വദേശി സനാവ്വറിനെ പൊലീസ് അറസ്റ്റ് ചെയ്തു. കുട്ടിയുടെ അമ്മയുടെ പരാതിയിലാണ് അറസ്റ്റ്. പ്രതി കുറ്റം സമ്മതിച്ചതായി പൊലീസ് അറിയിച്ചു. കുട്ടിയെ കൊലപ്പെടുത്തിയതിന് പിന്നാലെ അമ്മയും ബന്ധുക്കളും സ്റ്റേഷനില് പരാതി നല്കിയിരുന്നു. എന്നാല് കുട്ടി അസുഖം ബാധിച്ചാണ് മരിച്ചതെന്ന് പ്രതിയുടെ ബന്ധുക്കള് വാദിച്ചു. ഇതോടെ സംഭവത്തില് വിശദമായ അന്വേഷണം നടത്താന് പൊലീസ് തീരുമാനിക്കുകയായിരുന്നു.
പോസ്റ്റുമോര്ട്ടം റിപ്പോര്ട്ടില് കഴുത്ത് ഞെരിച്ചാണ് കൊല നടത്തിയതെന്ന് തെളിഞ്ഞു. ഇതോടെ സനാവ്വറിനെ കസ്റ്റഡിയിലെടുത്ത് ചോദ്യം ചെയ്തു. ആദ്യം ആരോപണം നിഷേധിച്ചെങ്കിലും ഒടുവില് പ്രതി കുറ്റം സമ്മതിക്കുകയായിരുന്നു. കുടുംബ വഴക്കിനെ തുടര്ന്ന് ആദ്യം മകളെ മര്ദ്ദിച്ചെന്നും പിന്നീട് ബലാത്സംഗം ചെയ്തെന്നും പ്രതി പൊലീസിനോട് പറഞ്ഞു. തുടര്ന്ന് മകളെ കഴുത്ത് ഞെരിച്ച് കൊലപ്പെടുത്തുകയായിരുന്നുവെന്ന് സീനിയര് പൊലീസ് സൂപ്രണ്ട് ഡോ.വിപിന് ടാഡ പറഞ്ഞു.
English Sammury: father arrested murder rape 8 year old girl saharanpur uttar pradesh
