ആര്‍എസ്എസ് അനുകൂല പ്രസ്താവന നടത്തിയ കെപിസിസി പ്രസിഡന്റ് കെ സുധാകരനെതിരായ നിലപാട് മയപ്പെടുത്തി മുസ്ലിം ലീഗ്. സുധാകരൻ പാണക്കാട് തങ്ങളെയും കുഞ്ഞാലിക്കുട്ടിയെയും നേരിട്ട് വിളിച്ചെന്നും ഇനി ആവര്‍ത്തിക്കില്ലെന്ന് ഉറപ്പ് നല്‍കിയെന്നും ലീഗ് സംസ്ഥാന ജനറല്‍ സെക്രട്ടറി പിഎംഎ സലാം അറിയിച്ചു.
കോണ്‍ഗ്രസും വിഷയം ഗൗരവമായി എടുത്തിട്ടുണ്ട്. സുധാകരന്റെ ഖേദപ്രകടനവും പരസ്യമായി ഉണ്ടായി, അതുമതി. കെപിസിസി അധ്യക്ഷനെ താക്കീത് ചെയ്യണമെന്നൊന്നും ലീഗ് ആവശ്യപ്പെട്ടിട്ടില്ല. മറ്റൊരു പാര്‍ട്ടിയുടെ ആഭ്യന്തര കാര്യങ്ങിളില്‍ ഇടപെടാനില്ല. വിഷയം ഗൗരവത്തോടെ കൈകാര്യം ചെയ്യുമെന്ന് കോണ്‍ഗ്രസ് ഉറപ്പ് നല്‍കി.
അവര്‍ വാക്ക് പാലിക്കുമെന്നാണ് കരുതുന്നത്. മുസ്ലിം ലീഗ് പ്രതികരിച്ചതിന് ഫലമുണ്ടായെന്നും സലാം വ്യക്തമാക്കി.
English Summery: Muslim League on K Sudhakaran’s RSS Statement
You may also like this video
