അവയവദാനത്തിൽ കേരളം വഹിക്കുന്ന പങ്ക് നിർണ്ണായകമെന്ന് പ്രധാനമന്ത്രി നരേന്ദ്രമോഡി. മൻ കി ബാത്തിലൂടെയാണ് കേരളത്തിന്റെ ആരോഗ്യ മേഖലയെ നരേന്ദ്രമോഡി പ്രശംസിച്ചത്. അവയവദാനത്തിൽ ഇന്ത്യ മുന്നിലാണെങ്കിലും അതിൽ കേരളം വഹിക്കുന്ന പങ്ക് നിർണ്ണായകമാണ്. കേരളത്തിന്റെ ഈ പ്രവർത്തനം രാജ്യത്തിന് തന്നെ മാതൃകയാണെന്നും അദ്ദേഹം പറഞ്ഞു.
കുഞ്ഞ് അവയവദാതാവായ ആലിൻ ഷെറിൻ എബ്രഹാമിനെയും പ്രധാനമന്ത്രി അഭിനന്ദിച്ചു. ആലിൻ ഷെറിൻ തന്റെ അവയവദാനത്തിലൂടെ നാലുപേർക്ക് ജീവൻ നൽകിയെന്നും, അവളുടെ പേര് രാജ്യം എന്നും ഓർമ്മിക്കപ്പെടുമെന്നും അദ്ദേഹം പറഞ്ഞു. ആലിൻ ഷെറിന്റെ മാതാപിതാക്കൾ എടുത്ത തീരുമാനം പുരോഗമന ചിന്തയുടെ ഭാഗമാണെന്നും അദ്ദേഹം കൂട്ടിച്ചേർത്തു.